Astana Dakar komandasy «Marokko» rallıine qatysady
ALMATY. 11 qazan. QazAqparat - «Astana» kásibı Prezıdenttik sport klýbynyń quramyna kiretin «Astana» rallı-reıd komandasy álem kýbogynyń resmı kezeńinde ótetin «Marokko» bedeldi halyqaralyq rallıine qatysýǵa daıyndyq jasaýda.
Ol bul eldiń aýmaǵynda 13-19 qazanda ótedi. Qatysýshylar barlyǵy eki myń shaqyrymnan astam ár túrli tasjoldar men landshafttardy ótýi kerek.
Bizdiń elimizden jol talǵamaıtyn kólik dárejesinde úsh jeńil ekıpaj qatysady. T1 klasy atynan quramynda tıisti 301 jáne 314 bastaý nómirlerin alǵan ushqysh Aıdyn Rahymbaev jáne shtýrman Konstantın Jıltsov jáne ushqysh Baýyrjan Isabaev jáne shtýrman Ǵabdolla Áshimov bar «Astana» komandasynyń eki ekıpajy qatysady. A.Rahymbaev jáne Ǵ.Áshimov HiLux Overdrive avtokólikterin basqarady. T2 klasynda Nissan Patrol avtokóliginde 311 bastaý nómirimen ushqysh Denıs Berezovskıı jáne shtýrman Ignat Falkov qatysady.
Astana Dakar komandasynyń jeńimpazy Artýr Ardavıchýs cheh mehanıkteri jáne tehnıkalyq mamandarmen birge ózderiniń aldaǵy jyly eń qaýipti jáne ataqty «Dakar» álem jarysyna qatysatyn jańa Tatra avtokóligin synaqtan ótkizedi jáne kúsh sala jumys isteıdi.
Eske sala keteıik, osy jyldan bastap, «Dakar-2012» qola júldegeri Czech Dakar Team komandasymen klıenttik kelisimge qol qoıdy jáne úsh jyl boıy ǵalamshardyń barlyq negizgi avtosport jarystaryna elimizdiń atynan A.Ardavıchýs «Astana» jeńimpazy úshin arnaıy qurastyrylǵan Tatra kóligimen qatysady.
13 qazanda Astana Dakar ókilderi tehnıkalyq jáne ákimshilik tekserýden ótedi. Alda olardy alty kún kúrdeli jáne qaýipti jarystar kútedi.
