Astana tsırkinde Táýelsizdik kúninde qoıylym tegin kórsetiledi
ASTANA. QazAqparat - 16 jeltoqsanda Elordadaǵy «Astanalyq tsırkte» QR Táýelsizdik kúnine oraı elorda turǵyndary men qonaqtaryna qaıyrymdylyq tsırk qoıylymy kórsetiledi, dep habarlady astana.kz.
Arenada áýe gımnastshylary, «Batyr» atty-akrobatıkalyq ansambli, kóńildi saıqymazaqtar, shoý-balet, akrobattar men basqa da ártister óner kórsetedi. Kópbalaly otbasylardan shyqqan, qıyn ómirlik jaǵdaıǵa tap bolǵan balalarǵa jáne múmkindigi shekteýli balalar qoıylymdy tegin tamashalaıdy. Tsırk ákimshiligi kóp jyldan beri qoıylymdardy tegin uıymdastyrýdy qolǵa alǵan. Mundaı sharalar birinshi kezekte qarjylyq jaǵdaıy bılet alýǵa múmkindik bermeıtin otbasylar úshin ótkiziledi.
