Astana tsırkinde reseılik jáne ýkraınalyq ártister óner kórsetýde
ASTANA. QazAqparat - 28 qyrkúıekke deıin ár demalys saıyn astanalyq tsırk balalardy «Eýropadan sýper-shoý» baǵdarlamasyn tamashalaýǵa shaqyrady. Reseılik jáne ýkraınalyq ártister kórermenderge keremet kóńil-kúı syılaıdy.
Ótken demalys kúnderi baǵdarlamanyń alǵashqy qoıylymy bolyp ótti. Bul qaıyrymdylyq shara balalar úıleriniń tárbıelenýshileri úshin uıymdastyryldy. «Baǵdarlama aıasynda akrobattyq nómirlerge basymdyq beriledi, arnaıy úıretilgen ańdarymyz bar, saıqymazaqtar túrli ónerlerin pash etedi»,- deıdi tsırk qyzmetkerleri. Aıta keteıik, 5 jasqa deıingi balalarǵa tsırkke kirý tegin, dep habarlaıdy astana.kz.
