«Astana» Chempıondar lıgasynda qansha tabys tapty
ASTANA. QazAqparat - «Astana» Chempıondar lıgasynyń birinshi irikteý kezeńinde chernogorııalyq «Sýteskany» (3:0) jeńip, óz bıýdjetin tolyqtyrdy, dep habarlaıdy Sports.kz.
Qazaqstandyq komanda óz alańynda 1:0 (Murtazaev) esebimen, al qonaqta - 2:0 (Despotovıch, Mýjıkov) esebimen jeńdi. «Astana» birinshi irikteý kezeńine qatysqany úshin ÝEFA-dan 280 myń eýro, al ekinshige shyqqany úshin - taǵy 380 myń eýro aldy. Osylaısha, klýbtyń 2018/19-maýsymyndaǵy naqty tabysy dál qazir 660 myń eýrony qurap otyr.
«Astana» ótken maýsymda Chempıondar lıgasynyń pleı-off raýndyna deıin jetti, alaıda shotlandııalyq «Seltıkten» jeńilip, týrnırden shyǵyp qalǵan bolatyn. Keıin qazaqstandyq klýb Eýropa Lıgasynyń tobyna kirip, ekinshi orynǵa ıe boldy jáne pleı-offqa shyqty. «Astana» 1/16 fınalda portýgaldyq «Sportıngke» ese jiberdi. Klýb 2017/18-eýromaýsymynda telearnalyq jáne marketıngtik quqyq satylymyn qospaǵanda, 8,18 mıllıon eýro aldy.
