«Astana-Chelıabınsk» poıyzynda tártip buzǵan eki jolaýshyny túsirip tastady
ASTANA. QazAqparat - «Astana-Chelıabınsk» poıyzynan qoǵamdyq kólikte tártipti buzǵan eki jolaýshyny túsirip tastady, dep habarlaıdy kóliktegi ІІD baspasóz qyzmeti.
«Kóliktegi polıtsııa departamentiniń qyzmetkerleri «Astana-Chelıabınsk» baǵytyndaǵy jolaýshylar poıyzynan qoǵamdyq tártip buzǵan eki er adamdy túsirip tastady. Olar 1968 jáne 1983 jylǵy Lısakovsk turǵyndary ekendigi anyqtaldy», - delingen habarlamada.
Kóliktegi polıtseıler olarǵa qatysty úsh ákimshilik materıal toltyrdy: buzaqylyq jasaǵandary úshin, qoǵamdyq orynda alkogoldik ishimdik ishkenderi nemese mas kúıde júrgenderi úshin, sondaı-aq tynyshtyqty buzǵandary úshin.
Taran aýdandyq sotynyń jáne Polıtsııa jelilik bólimi qyzmetkerleriniń sheshimimen Qostanaı stansasynda quqyq buzýshylar ákimshilik jazaǵa tartylyp, árqaısysy 8,5 AEK (20442 teńge) kóleminde aıyppul tóleýge mindetteldi.
