Astana — Şýche trassasynda bolǵan jol apatynda 11 adam zardap shekken
ASTANA. KAZINFORM — «Astana-Şýche» tas jolyndaǵy jappaı kólik apatynda 11 adam zardap shekken. Bul týraly Aqmola oblysynyń Polıtsııa departamenti málimdedi.
— Jol apaty saldarynan Bulandy aýdandyq aýrýhanasyna túrli jaraqattarmen 11 adam júgindi, olardyń tórteýi aýrýhanaǵa jatqyzyldy, —delingen habarlamada.
Qazirgi ýaqytta jol ýchaskesinde zardaptardy joıý jumystary jalǵasyp jatyr, jergilikti jerde polıtsııa qyzmetkerleri, tótenshe jaǵdaılar qyzmeti jáne QazAvtoJol mamandary jumystaryn jalǵastyryp jatyr.
Polıtseılerdiń málimetinshe, elorda baǵytynda 400-ge jýyq avtokólikten turatyn kolonnany alyp júrý uıymdastyrylǵan.
Polıtsııa qyzmetkerleri júrgizýshilerden patrýldik polıtsııa qyzmetkerleriniń talaptaryn qatań saqtaýdy jáne olardyń jumysyna kedergi keltirmeýdi suraıdy.
— Júrgizýshilerdi aýa-raıynyń jaǵdaıyn eskerýge, joldarda óte saq bolýǵa jáne jaǵdaıdy jaqsartqanǵa deıin osy baǵytta júrýden bas tartýǵa shaqyramyz, — dep habarlady polıtsııadan.
Eske sala keteıik, buǵan deıin «Astana-Şýche» tas jolyndaǵy apattan zaqym kelgen kólikter sany 95-ke jetkenin jazǵan bolatynbyz.