Astana – Býrabaı baǵytynda «Burabay Express» jańa elektrpoıyzy iske qosyldy

ASTANA. KAZINFORM — Ulttyq tasymaldaýshy Astana – Býrabaı baǵdary boıynsha «Burabay Express» jańa elektrpoıyzyn iske qosty. «Jolaýshylar tasymaly» AQ baspasóz qyzmeti málim etti.

– «Jolaýshylar tasymaly» AQ jolaýshylarǵa Astana-Býrabaı kýrorty baǵdary boıynsha №888/887 «Burabay Express» Comfort+ jańa býyn elektrpoıyzyn usynyp otyr, – delingen habarlamada.

Poıyz alty vagonnan turady jáne 374 orynǵa arnalǵan. Ol barlyq qajetti tehnıkalyq tekserýlerden ótken. Qazirgi ýaqytta Keden odaǵynyń tehnıkalyq reglamentiniń talaptaryna sáıkes qujattamany resimdeý aıaqtalady.

Tasymaldaýshy kompanııanyń dereginshe, poıyz dızaınynda qol jetimdilik pen ınklıýzıvtilik máselelerine erekshe nazar aýdarylǵan. Ár klasta bıodárethanalar, sonyń ishinde múmkindigi shekteýli jolaýshylarǵa arnalǵan arnaıy beıindelgen kabınalar qarastyrylǵan. Múmkindigi shekteýli jandarǵa yńǵaıly bolý úshin platformalyq kótergishter qarastyrylǵan.

— Avtomatty shyǵarylatyn aıaq tirekteri, ásirese egde jastaǵy jolaýshylar men balalary bar otbasylar úshin yńǵaıly otyrǵyzý men túsirýdi qamtamasyz etedi. Poıyzdaǵy árbir oryn mobıldi qurylǵylardy zarıadtaýǵa arnalǵan USB qosqyshymen jabdyqtalǵan. Sonymen qatar, quramda salqyn sýsyndar men jeńil taǵamdar qarastyrylǵan, — dep jazdy ulttyq tasymaldaýshy kompanııadan.

Eske sala keteıik, buǵan deıin jazǵy maýsymda 11 baǵyt boıynsha qosymsha poıyz qatynaıtynyn jazǵan edik.