Astana-Býrabaı aqyly jolynan qansha qarajat tústi
ASTANA. QazAqparat - QR Indýstrııa jáne ınfraqurylymdyq damý mınıstri Jeńis Qasymbek Astana-Býrabaı aqyly jolynan qansha qarajat jınalatynyn aıtyp berdi, dep habarlaıdy QazAqparat tilshisi.
Mınıstr atalǵan jol bóliginiń sapaly ekenin, 10 jylda jóndeý jumystary júrgizilmegenin atap ótti.
"Astana-Býrabaı joly 2010 jyldan beri qoldanysta jáne joldyń sapasy esh búlingen joq. Bul - betonnan salynǵan Qazaqstandaǵy alǵashqy jol, 10 jylǵa jýyq ýaqytta birde-bir jóndeý jumysyn qajet etpedi. Munda jeńil avtokólikter ár shaqyrym úshin 1 teńge tóleıdi, júk kólikteri úshin tólem quny ózgerip otyrady. Al jergilikti turǵyndar abonement alyp, jylyna myń teńge ǵana tóleıdi", - dedi Jeńis Qasymbek Úkimet úıinde "Otandyq óndiristi damytý jáne kólik-logıstıka salasyn jańǵyrtý" baspasóz máslıhatynda.
Onyń aıtýynsha, bul tólem joldy kútip-baptaýǵa tolyǵymen jetedi jáne artylǵan qarajat ózge joldarǵa beriledi.
"2018 jyly Astana-Býrabaı aqyly jolynan shamamen 1,5 mlrd teńge tústi. ıAǵnı, shaqyrymyna 1 teńgeden alsaq ta, jol bóligin normatıvke sáıkes kútip-baptaýǵa tolyǵymen jetedi. Odan artylǵan qarajat ózge joldarǵa beriledi", - dedi mınıstr.
Eske sala ketsek, Almaty - Qorǵas, Almaty - Qapshaǵaı jáne Almaty - Temirtaý joldary aqyly júıege aýysqan bolatyn.
Mınıstrdiń aıtýynsha, aldaǵy eki jylda taǵy 5,5 myń shaqyrym avtojol úshin aqy alyna bastaıdy.
