Astana búldirshinderdiń «Kishkentaı juldyzshasy» anyqtaldy

dep habarlady Mádenıet jáne aqparat mınıstrliginiń baspasóz qyzmeti.

Mektep oqýshylaryn qazaqstandyq patrıottyq rýhyna tárbıeleý maqsatynda jumys jasaıtyn Astana qalasynyń «Jas Ulan» biryńǵaı balalar men jasóspirimder uıymy» qoǵamdyq birlestigi  bul saıystyń uıymdastyrylýyna edáýir úles qosty. «Qatysýshy balalardy estetıkalyq talǵamǵa, sulýlyqqa  degen súıispenshilikke, óz betinshe júrip, sheshim qabyldaýǵa tárbıelep, shyǵarmashylyq jaǵynan damyta otyra, bizder olardyń jeke tulǵa retinde qalyptasýyna jaǵdaı jasaımyz», - deıdi Astana qalasynyń «Jas Ulan» qoǵamdyq birlestiginiń atqarýshy hatshysy Álibek Ybyraev.

Saıysqa eki jas sanaty boıynsha (6-7 jáne 8-10 jas) jas búldirshin qyzdar  qatystyryldy. Atalmysh kóńildi de qyzyqty saıysta qatysýshylar ózderiniń erekshe vokaldyq ónerimen, myń buralǵan bılerimen jáne ózindik ártistik qabiletterimen ádilqazylar alqasy men kórermender qaýymyn tańǵaldyrdy. Saıys ózderin tanystyrý, shyǵarmashylyq ónerin kórsetý, qoldan túrli qoldanbaly buıymdardy jasaý, sýret salý jáne sán úlgilerin kórsetý sııaqty bólimderden turdy.  Qatysýshylarǵa jankúıer bolyp, qoldaý kórsetýge ata-analary, dostary jáne mekteptegi oqytýshylary keldi. Kórsetilim barysynda qatysýshy qyzdardyń saıysqa asa zor daıyndyqpen kelgeni baıqaldy jáne olardyń bul eńbegi zaıa ketken joq: 8-10 jas aralyǵyndaǵy qatysýshylardan №56 orta mekteptiń 3 synyp oqýshysy Araılym Eshtaeva «Kishkentaı juldyzsha-2012»  ataǵyn ıemdense, 6-7 jas aralyǵyndaǵy búldirshinderden №9 mektep-lıtseıdiń daıarlyq klasynyń oqýshysy Elızabetta Frash bul ataqty ıemdenip, kópshiliktiń rızashylyǵyna bólendi. Saıysqa kelgen ózge de qatysýshylar bos qaıtqan joq, olar «Ásem arý», «Ónerli arý», «Top feshn arý», «Kerbez arý», «Talantty arý», «Kórermender kózaıymy», «Meıirimdi arý», «Symbatty arý», «Sán arýy», «Súıikti arý» syndy atalymdardy ıelendi.