Astana buqaralyq fýnktsıonaldyq jattyǵýlar ótetin álem qalalarynyń qataryna qosylýda

Bul týraly elordalyq sport basqarmasynyń baspasóz qyzmetinen habarlady.

Qozǵalys - barlyq tirshiliktiń kózi ekeni barshaǵa aıan. Adam aǵzalary men múshelerine kúsh túsip, qozǵalyp turmasa, onda olar óz qyzmetin nasharlatyp, birtindep semip qalatynyn mamandar dáleldegeni qashan. Sondyqtan qozǵalyssyz ómirdiń joqtyǵyn túsinetin ýaqyt jetti. Al buqaralyq jattyǵýlar bunyń bárin halyqqa jetkizýdiń birden-bir tásili. Amerıka, Eýropa elderinde fýnktsıonaldyq jattyǵýlar óte damyǵan. Endi osyndaı buqaralyq sporttyq dástúr Astanada qolǵa alynyp otyr.

Alǵashqy jattyǵý osy jumada 3 maýsym kúni «Oqýshylar saraıy» alańynda (Kongress-Holldyń artynda) ótpek. Buǵan qyzyǵýshylyq tanytqan árbir adam qatysa alady. Al 2011 jyldyń 1 qazanyna deıin ár senbi saıyn saǵat 18.00-19.00 aralyǵynda qalanyń ashyq alańdarynda buqaralyq jattyǵýlar ótkizilip turady.

Jattyǵýlardy elimizdiń fýnktsıonaldyq jattyǵýlardyń basty mamany, Astana qalasynda KAPOEIRA qozǵalysynyń negizin salýshy men fýnktsıonaldy trenıng halyqaralyq konventsııanyń prezentory (Máskeý, Olımpııskıı) Vadım Tshe ótkizedi.

Bul jumada fýnktsıonaldyq jattyǵýǵa 700-den astam adam qatysýy josparlanýda.