Astana budan bylaı jeke turǵyn úı qurylysyna tegin 10 sotyq jer bólmeıdi

ASTANA.KAZINFORM — Elorda turǵyndaryn baspanamen qamtý endi kópqabatty úı salý arqyly ǵana qamtamasyz etiledi. Bul týraly Astana qalasynyń Sáýlet, qala qurylysy jáne jer qatynastary basqarmasy habarlady, dep habarlaıdy Kazinform tilshisi. 

Basqarma búginde qalada jeke turǵyn úı qurylysy úshin jer telimderin alýǵa suranys Bas jospardaǵy jobalyq qýattylyqtan 25 ese joǵary ekenin atap ótti — bul kezekte turǵandar sany jaǵynan da, aýdandardy qajetti ınjenerlik-kommýnıkatsııalyq ınfraqurylymmen qamtamasyz etý jaǵynan da joǵary.

Astanada jeke turǵyn úı qurylysyna kezekte turǵandardyń jalpy sany 247 795 adam.

Memleket basshysynyń tapsyrmasyna sáıkes, Úkimettiń 2024 jylǵy 25 qańtardaǵy qaýlysymen Astana qalasyn 2035 jylǵa deıingi perspektıvalyq damytýdyń Bas jospary bekitildi.

— Bul jobanyń tujyrymdamasyna sáıkes, qala aýmaǵynda jeke turǵyn úı qurylysy aýmaǵyn damytý qarastyrylmaǵan, al qala halqyn turǵyn úımen qamtamasyz etý máselelerin sheshý tek kóp páterli turǵyn úı keshenderin, onyń ishinde áleýmettik turǵyn úılerdi salý arqyly ǵana júzege asyrylady, — dep túsindirdi redaktsııanyń resmı saýalyna vedomstvodan.

Aıta keteıik, Jer kodeksine sáıkes, árbir qazaqstandyq ómirinde bir ret 10 gektar jerdi tegin alýǵa quqyly.

Buǵan deıin Almaty oblysynda 10 jer ýchaskesi aýktsıonǵa qoıylǵany týraly jazǵan edik.