Astana boıynsha zańsyz saqtalǵan qarýlaryn ishki ister organdaryna tapsyrǵan azamattarǵa 2 mıllıon 475 myń 221 teńge tólendi
ASTANA. 29 qańtar. QazAqparat - Respýblıka boıynsha Іshki ister mınıstrligi jarııalaǵan turǵyndardan zańsyz saqtalǵan qarý-jaraqtardy satyp alý jónindegi aktsııasy aıaqtalýǵa taıaý.
Atalmysh aktsııa bastalǵaly tek elordanyń ózinde qarý tapsyrǵan azamattarǵa barlyǵy 2 mıllıon 475 myń 221 teńge tólengen. Bul týraly Astana qalalyq Іshki ister departamentiniń baspasóz qyzmeti habarlaıdy.
Esterińizge sala keteıik, turǵyndardan qarý-jaraq satyp alý aktsııasy elorda aımaǵynda bıylǵy jyldyń 1 aqpanynan bastaldy. Aktsııa 31 naýryz kúni aıaqtalady. Aqpan aıy men 28 naýryzǵa deıin Astanada turǵyndardan 162 ótinish túsip, 218 atys qarýy tapsyrylǵan. Olardyń 52 danasy qoldan jasalǵan uzyn uńǵyly qarý, jalpaquńǵyly 166 qarý bar. Sondaı-aq atalǵan qarýlardyń 5 myń 920 oqtary bar.
Astana qalalyq Іshki ister departamenti ózderinde zańsyz saqtalyp kelgen qandaı da bir qarýyn ótkizem degen azamattarǵa ózderiniń turǵylyqty jerlerindegi ishki ister organdaryna habarlasa alatyndyqtaryn eskertedi. Sondaı-aq qarý tapsyrý boıynsha Astana qalalyq Іshki ister departamentine 716-018,, «Saryarqa» aýdandyq ishki ister bólimine 716-646, «Almaty» aýdanyna 716-737, «Esil» aýdanyna 716-654 telefony arqyly habarlasýǵa bolady.
