Astana bolashaqqa jol ashyp otyr - áskerı-ınjenerlik ınstıtýt túlegi Á.Hamıtov (FOTO)
Atap aıtqanda, búgin QR Prezıdenti Nursultan Nazarbaev Astana kúninin merkeleý sharalaryn bastap berdi. Osy oraıda saltanatty túrde Elbasynyń qatysýymen Astanada Memlekettik týdyń kóterilýi ótti. Sonymen qatar jyl saıynǵy dástúr boıynsha Memleket basshysy úzdik 12 kýrsantqa ofıtserlik pogondardy tabys etti.
Osy saltanatty sharaǵa Alamatydaǵy Radıoelektronıka jáne baılanys áskerı-ınjenerlik ınstıtýtynyń túlegi Ánýar Hamıtov ta qatysty. Ol ózge túlektermen birge QR Qorǵanys mınıstri Imanǵalı Tasmaǵambetovtyń qolynan qyzyl dıplom aldy.
«Astana bolashaqqa jol ashyp otyr. Osy kúni elordada bolyp, Astana kúnin merekeleý aıasynda Memlekettik týdy kóterý saltanatty sharasyna qatysqanyma óte qýanyshtymyn. «Ofıtser bolý - ol birinshiden el aldyndaǵy borysh, al tek sodan keıin ǵana kásip. Ofıtserlik mindetti oryndaý batyldyqty, joǵary adamgershilik qasıetti jáne tózimdilikti talap etedi», dep atap ótti búgin Prezıdentimiz. Men ózge túlektermen birge osy aıtylǵan sózdegi maqsat-mindetterge saı kelýge tyrysamyn»,- dedi Á.Hamıtov.
Ánýar Soltústik qazaqstan oblysy shal aqyn aýdanynlaǵy Lenın aýylynda týyp-ósken. Mektep bitirgen soń Qorǵanys mınıstrligi ınstıtýtyna oqýǵa túsip, bilimge degen asa joǵary yntasymen erekshelenip, kózge túsken.