«Astana bizdiki» - Elordada muzdaı qarýlanyp, vıdeoǵa túsken jas jigit ustaldy
NUR-SULTAN. QazAqparat – Elordada muzdaı qarýlanyp, «Astana bizdiki» dep vıdeoǵa túsken jas jigit ustaldy, dep habarlaıdy QazAqparat tilshisi.
«14 qarashada áleýmettik jelilerge júrgizilgen monıtorıng barysynda jas jigittiń qarýdyń birneshe túrin ustaǵan vıdeosy taraǵan bolatyn. Polıtsııa qyzmetkerleri vıdeony zerttep, tıisti sharalardy birden qolǵa aldy. Jedel izdestirý barysynda buryn sotty bolǵan 24 jastaǵy jergilikti turǵyn, sonymen birge, atalmysh vıdeony túsirgen jáne kólikti júrgizgen júrgizýshi anyqtalyp, ustaldy», - dep habarlady qalalyq Polıtsııa departamentinen.
Tártip saqshylary vıdeonyń shamamen bir aı buryn túsirilgenin habarlaıdy.
Eske sala ketsek, elorda saqshylary «baqaıshaǵyna deıin qarýlanǵan» jigittiń kim ekenin buǵan deıin anyqtaǵan bolatyn.
«Áleýmettik jelilerde 14 qarashada taraǵan atalmysh vıdeoǵa qatysty Polıtsııa departamenti jedel izdestirý sharalary barysynda 24 jastaǵy qala turǵynyn anyqtady», - dep habarlady keshe qalalyq polıtsııa departamentinen.
Aıta ketsek, buǵan deıin «Astana-sergek» Instagram paraqshasynda jas jigittiń qarý ustap, «Astana bizdiki» degen vıdeosy taraǵan bolatyn. Vıdeoda jas jigit birneshe qarýdy ustap, bylapyt sózder aıtady.
