Astana-Bishkek reısiniń jolaýshylaryn bomba týraly habardyń áleginen bir saǵattan astam ýaqyt boıy ushaqtan shyǵarmady
BІShKEK. QazAqparat - Búgin aerovokzal ǵımaratyna mına qoıylǵany týraly jalǵan habardyń áleginen Qyrǵyzstan astanasyndaǵy «Manas» halyqaralyq áýejaıynyń jumysy birneshe saǵat boıy turalady.
QR MUQK baspasóz qyzmetiniń málimetteri boıynsha, tańǵy saǵat 7-ge taman «Manas» halyqaralyq áýejaıynyń elektrondy meken-jaıyna jarylǵysh qurylǵy qoıylǵany týraly anaonımdi habar kelip tústi. Saǵat 8-de shekara qyzmetine áýejaıǵa bomba qoıylǵany týraly dabyl tústi. Bir saǵattan keıin, saǵat 9-da lańkestik akti ázirlenip jatqany týraly osyndaı qońyraý QІІB-na da berildi.
Osy aqparatty alǵan boıda quqyq qorǵaý organdary aerovokzal ǵımaratynan adamdardy shyǵara bastady. QR MUQK saperleri aýmaqty jáne onyń mańaıyn qaraýǵa kiristi.
«Astana-Bisheke reısimen kelgen «Air Astana» jolaýshylaryn qaýipsizdik maqsatynda bir saǵattan astam ýaqyt boıy avıalaınerdiń salonynan shyǵarmady.
«Ushaqtan shyǵarmaı jatyr, áýejaıda dabyl, bomba qoıyldy degen habar bar», - dep jazdy Tvıterde jolaýshylardyń biri Azamat Tynaev. Ol keıinnen «arnaıy qyzmet qyzmetkerleri, ıtter jáne kınologtar mashınaǵa otyryp ketip qaldy», dep habarlady. QR MUQK men «Manas» áýejaıynyń avıatsııalyq qaýipsizdik qyzmeti birlesken áýejaı ǵımaratyn jáne ushyp ketetin reısterdi qaraý barysynda qurylǵy tabylǵan joq. Birqatar ýaqyttardan keıin áýejaı shtattyq rejımde jumys jasaı bastady.
Aldyn ala aqparat boıynsha jalǵan habar belgisiz ІR-mekenjaıynan jiberilgen. MUQK anonımdi habarlama jiberýshini anyqtaý jumystaryna kiristi.
Sondaı-aq arnaıy qyzmet ókilderiniń usynysymen «Manas» halyqaralyq áýejaıy ákimshiligi áýejaıjaǵy jáne mańaıdaǵy aýmaqta, sondaı-aq ushyp keletin jáne ketetin reısterde qaýipsizdik sharalaryn kúsheıtti.
