Astana «Birikken qalalar men jergilikti bılikter» dúnıejúzilik uıymynyń quramyna kirdi
ASTANA. QazAqparat - Astana «Birikken qalalar men jergilikti bılikter» dúnıejúzilik uıymynyń quramyna kirdi. Bul týraly QazAqparat ákimdiktiń jelidegi paraqshasyna silteme jasap habarlaıdy.
Bul usynys atalmysh uıymnyń dúnıejúzilik keńesiniń («United Cities and Local Governments») otyrysy barysynda qoldaý tapty. Qala ákimi Altaı Kólginov uıymnyń teń tóraǵasy bolyp saılandy.
Dúnıejúzilik uıymǵa ený qatysýshy elder arasynda tájirıbe almasýǵa, ózekti máselelerdi kóterýge jáne olardy keshendi sheshý isine járdemdesýge, qalalardyń áleýetin tanystyrýǵa, qalaǵa qosymsha ınvestıtsııalar tartýǵa jáne t.b. múmkindik beredi.
Dúnıejúzilik Birikken qalalar men jergilikti bılikter uıymy – mýnıtsıpalıtetterdiń, megapolısterdiń jáne aımaqtardyń, sondaı-aq olardyń birlestikteriniń 2004 jyly qurylǵan ǵalamdyq jelisi. Uıym ókilderi atap ótkendeı, onyń quramyna BUU-nyń 140 elinen bas-aıaǵy 240 000 mýnıtsıpalıtet, aımaqtar men megapolıster kiredi.
Foto: instagram.com/akimat__astana/
