Astana bilim mekemeleriniń basshylary ata-analar aldynda esep beredi
ASTANA. QazAqparat - Astanada balabaqshalar, mektepter men kolledjder basshylary ata-analar aldynda esep beredi, dep habarlaıdy QazAqparat.
Astana qalalyq ákimdiginen málim etkendeı, qalalyq bilim berý uıymdarynda oqý jylynyń birinshi jartyjyldyǵynyń qorytyndysy boıynsha ata-analar jınalystaryn ótkizý bastaldy.
«Jınalystar barysynda bilim berý uıymdarynyń basshylary bıýdjet qarajatyn ıgerý men bólýge qatysty esepterin usynyp, oqý-tárbıe jumysyn jáne tamaqtanýdy uıymdastyrý máselelerin talqylaıtyn bolady. Sondaı-aq Qamqorshylyq keńesteriniń quramy bekitiledi», - dep málim etti Bilim basqarmasynan.
Bilim basqarmasy ata-analardy jınalysqa qatysyp, belsendilik tanytýǵa shaqyrady. Jınalystar 4 qańtar kúni saǵat 18:30-da jalpy orta bilim berý uıymdarynda (mektepter), 9 qańtarda saǵat 18:30-da balabaqshalarda, 10 qańtarda qalalyq kolledjerde ótedi.
