Astana bilim basqarmasy mektep jolyndaǵy qorshaýǵa qatysty túsinikteme berdi
ASTANA. QazAqparat - Astana qalalyq bilim basqarmasy №84 mektep-lıtseıi oqýshylarynyń bilim ordasyna jetý úshin temir qorshaýdan sekirip ótýge májbúr bolýyna qatysty túsinikteme berdi, dep habarlaıdy QazAqparat.
«Esil aýdany ákiminiń apparaty sol jerge qyzmetkerlerdiń barýyn uıymdastyrdy. Atalǵan eskertýlerdi joıýǵa baǵyttalǵan jedel sharalar qabyldandy. «QazMunaıGaz» JQS-ke qatysty ákimshilik hattama toltyryldy jáne janarmaı quıý stansasynyń ýchaskelik qyzmetkeriniń qatysýymen qorshaý buzyldy. Atalǵan jerge qıyrshyq tas tóseldi. Endi ýchaskege jaryq ornatylatyn bolady. Astana qalalyq bilim basqarmasy ata-analardan balalaryn bul ýchaskede qaldyrmaýyn suraıdy. Balalardyń janarmaı quıý stansasyna taqaý ótýi qaýipsiz emes jáne durys ta emes. Atalǵan mekteptiń Aqmeshit kóshesi jaǵynan eki resmı kireberisi bar. Al balalardyń sekirip ótip júrgen jerlerinen ótýge bolmaıdy», - delingen bilim basqarmasy taratqan aqparatta.
Buǵan deıin elordalyq №84 mektep-lıtseıiniń oqýshylary bilim ordasyna jetý úshin temir qorshaýdan sekirip ótýge májbúr bolyp júrgenin habarlaǵan bolatynbyz .
