Astana bıligi kóshelerdi sý alý jaǵdaıy týraly: Jobalaý kezinde qatelikter ketken
ASTANA. QazAqparat - Elorda bıligi qalanyń sý irkýshi qurylymyn jobalaý barysynda qatelikterge jol berilgendigin moıyndady, dep habarlaıdy QazAqparat tilshisi.
«Turan dańǵyly men Uly Dala kósheleriniń qıylysyn sý alyp ketýine jobalaý kezindegi qatelik sebep bolyp otyr. Sý irkýishtiń aýmaǵy durys eseptelmeı, osy sebepti qýattylyǵy tómen sý sorǵylar ornatylyp qoıǵan», - dedi Ortalyq kommýnıkatsııalar qyzmetinde baspasóz máslıhatyn ótkizgen Astana qalasy ákiminiń orynbasary Qosman Aıtmuhambetov.
Ákimniń orynbasary endigi kezekte atalmysh ýchastokty jańǵyrtý jumysy júrgizilgeni jatqanyn atap ótti.
«Tazartý qurylymdaryn basqarý - shtatty basqarý júıesinde. Qosymsha biz ol jerde kúrdeli kezeńde týyndaǵan jaǵdaıda TJK bólimsheleriniń qozǵalmaly sorǵyly stantsııalaryn ornattyq. Sonymen qatar, atalǵan nysan boıynsha jańǵyrtý boıynsha joba bastaldy. Jumys 2019 jyly bastalyp, 2020 jyly aıaqtalady», - dedi ákimdik ókili.
Aıta ketsek, budan buryn Astana bıligi nóserden keıingi jaǵdaıǵa baılanysty halyqtan keshirim suraǵan bolatyn.
