Astana bıligi aspandy torlaǵan tútindi qalaı seıiltýge bolatynyn aıtty
ASTANA. QazAqparat - Astana qalasynyń ákimdigi aspandy torlaǵan tútindi seıiltýge baǵyttalǵan birqatar joldardy usynyp otyr. Usynystarǵa búgin qala ákimdiginde ótken baspasóz máslıhatynda qalalyq Tabıǵı resýrstar jáne tabıǵat paıdalanýdy retteý basqarmasynyń basshysy Musa Tanabaev keńinen toqtaldy, dep habarlaıdy «QazAqparat» HAA tilshisi.
«2017-2018 jyldarǵa arnalǵan keshendi jospar týraly aıtyp ótsem. Búgingi tańda qala ákimi tıisti tapsyrma berip, oǵan tolyqtyrýlar engizýdi júktedi. Keshendi jospardy júzege asyrý úshin 5 jumys toby quryldy. Olar: atmosferalyq aýanyń sapasyn arttyrý, kóliktiń keri áserin azaıtý, jeke turǵyn úılerde jylý maýsymynda qaýipti qaldyqtardy órteý jaǵdaıynyń aldyn alý, aǵash otyrǵyzý, sý resýrtaryna baılanysty máselelerdi baqylaý jumystarymen aınalycatyn toptar. Bul toptarǵa ákimdik jáne jaýapty organdardyń qyzmetkerlerimen birge Qazaqstan ekologtary qaýymdastyǵynyń ókilderi endi. Jumys tobynyń jumysy jýyq arada aıaqtalady», - deıdi ol.
Jumys toby júrgizgen sharýalarǵa sáıkes, Astana qalasynyń bıligi birneshe usynysty ázirlegen.
«Búgingi kúni qandaı usynystar túsip jatyr? Birinshiden, qala ákimdigi Astana qalasynyń aýmaǵynda jańa nysandardyń qurylysyn júrgizgen kezde qatty otyndardy jaǵýǵa arnalǵan avtonomdyq qazandyqtardy paıdalanýdy 2018 jyldan bastap shekteýdi usynady. Astana qalasynda otyn retinde kómirdi qoldanatyn 400-ge jýyq kásiporyn bar. Osyǵan baılanysty, 2019 jyly qatty otyndy osy kásiporyndarda qoldanýǵa tyıym salý josparlanýda. Olarǵa nysandaryn qaıta jóndeýge 1 jyl beriledi. ıAǵnı, atalǵan kásiporyndardyń bárin tabıǵı gazǵa kóshirý kózdelýde», -deıdi Musa Tanabaev.
Basqarma basshysynyń aıtýynsha, úshinshiden, elektromobıldi kólik ıelerine jeńildik berý qarastyrylǵan. Sonymen birge, eski qalalardy ýtılızatsııaǵa jiberý úshin nasıhat jumystary júrgiziledi.
«Tehnıkalyq tekserý kezinde tehnıkanyń gazdy qanshalyqty bóletinin baqylaý josparlanyp otyr. Buǵan qosa memlekettik organdarǵa qatty otyn men janar-jaǵarmaı sapasyn baqylaýǵa alatyndaı usynys ázirlep jatyrmyz. Sonymen birge, Astana qalasynyń ákimdigi elekr energııasyn tutynýda túngi jeńildik tarıfin qaıtarýdy usynady», - deıdi Musa Tanabaev.
