«Astana Bike» veloprokat maýsymy 1 qarashada aıaqtalady
ASTANA. QazAqparat - 1 qarashada «Astana Bike» (velosıped stantsııalary jelisi) óziniń birinshi maýsymyn aıaqtaıdy. Bul týraly elorda ákimdiginiń baspasóz qyzmetinen habarlady.
Alǵashqy «Astana Bike» veloprokat stantsııalary óz jumysyn bıyl shilde aıynda bastaǵan bolatyn. Osy kúnge deıin jańa ekokólik kóptegen astanalyqtardyń súıikti kólik quralyna aınalyp úlgerdi. Velosıpedter zamanaýı tehnıkamen jabdyqtalǵan. Olar GPS, urlap ketýge qarsy júıelermen jáne basqa da jańashyldyqtarmen qatamasyz etilgen. Velosıpedterde elektr energııasynyń kózi retinde (barlyq quraldardyń jumysyn qamtamasyz etý úshin) kún batareıalary qoldanylady. Barlyq bólshekteri erekshe jáne bir ǵana ekokólikke jaramdy.
Jalpy bıyl 200 velosıpedke arnalǵan 40 turaq ashyldy. Jalǵa alý stantsııalary sol jaǵalaýda bir-birinen 300-500 metr qashyqtyqta ornalasqan. Stantsııalar jelisi birte-birte keńeıtiledi jáne 2017 jylǵa deıin 1000 velosıpedke arnalǵan 100 stantsııa qurý kózdelgen.
