«Astana Bike» turaǵyndaǵy velosıpedterdi bólshektep urlamaq bolǵandar qolǵa tústi
ASTANA. QazAqparat - Astanadaǵy «Astana Bike» turaǵyndaǵy velosıpedterdi úsh jigit bólshektep, urlamaq bolǵan, dep habarlady Astana q. ІІD baspasóz qyzmetinen.
«19 sáýirge qaraǵan túni Astana qalasy Іshki ister departamenti Jedel basqarý ortalyǵynyń ınspektor-operatory beınebaqylaý kameralary arqyly kósheden kúdiktilerdi baıqaǵan. Olar Máskeý jáne Jeńis kósheleriniń qıylysyndyǵy «Astana Bike» veloprokat turaǵyndaǵy velosıpedterdiń oryndyǵy, tepkish jáne ózge de bólshekterin sheship alyp jatqan», - delingen habarlamada.
Olardyń áreketi baıqalysymen oqıǵa ornyna jol-patrýl polıtsııasynyń ekıpajy jóneltildi. Tártip saqshylary 22, 25 jáne 27 jastaǵy úsh kúdiktini ustap, «Saryarqa» aýdandyq ІІB jetkizdi.
Atalǵan fakt boıynsha, sotqa deıingi tergeý amaldary júrgizilip jatyr. Tintý kezinde 1988 j. týǵan kúdiktilerdiń biriniń rıýkzagynan prokat turaǵyndaǵy velosıpedterdiń bólshekteri men saımandar tabyldy. Polıtsııa qyzmetkerleri olardyń ózge de qylmystarǵa qatystylyǵyn tekserip jatyr.
