«Astana beıbitshilik deklaratsııasy – 2025» qujatynda mańyzdy ıdeıalar qamtyldy - Prezıdent
ASTANA. KAZINFORM – Búgin elordadaǵy Táýelsizdik saraıynda Prezıdent Qasym-Jomart Toqaev Álemdik jáne dástúrli dinder kóshbasshylarynyń VIII Cezin qorytyndylady.
- Birneshe kúnnen beri elordamyzda túrli mádenıet pen órkenıet ókilderi bas qosyp jatyr. Meımandarymyzdyń dini men dili bólek bolsa da, tilegi men nıeti bir ekenin sózsiz. Sezdiń qorytyndy deklaratsııasy - sonyń aıqyn dáleli. Qujatta ortaq ıdeıalar men usynystar kórinis tapty. Jalpy, forýmnyń túpki máni de - osy. Biz qurmet pen syılastyqqa negizdelgen syndarly dıalogtyń kýási boldyq. Eń bastysy, dinbasylar ortaq múdde jolynda kúsh biriktirýge daıyn ekenin kórsetti. Shyn máninde, salmaqty jáne syndardy dıalog - naǵyz danalyqtyń kórinisi. Sizder búkil álemge kóregendik pen parasattalyqtyń úlgisin kórsetip otyrsyzdar, - dedi Qasym-Jomart Toqaev.
Osy oraıda Prezıdent geosaıası turaqsyzdyq beleń alǵan kúrdeli kezde munyń mán-mańyzy aıryqsha ekenin atap ótti.
Aıta keteıik, búgin elordada álemdik dinder kóshbasshylary seziniń deklaratsııasy qabyldandy.
Cezd qatysýshylar qabyldaǵan «Astana beıbitshilik deklaratsııasy 2025» BUU Bas Assambleıasy 80-sessııasynyń resmı qujaty retinde taratylady.