«Astana» «Benfıka» qaqpasyna ekinshi goldy salyp ketti
ASTANA. QazAqparat - Chempıondar Lıgasy toptyq kezeńiniń besinshi týry aıasynda ótip jatqan «Astana» men «Benfıka» komandalarynyń kezdesýinde esep eselendi.
Bunyń aldynda birinshi goldy Patrık Tvýması matchtyń 20-mınýtynda salǵan bolatyn.
Oıynnyń 30-mınýtynda «Astana» sapynan Anıchıch gol soqty. Sol qanattan berilgen pastan keıin Anıchıch baspen qarsylastar qaqpasyna dopty engizip ketti. Aıta keteıik, búgingi matchta, ókinishke oraı, «Astana» sapynda Jolshıev shyqqan joq. Qarsylastardyń qatarynda alty birdeı mańyzdy oıynshy: Salvıo, Lýızao, Nelson Semedý, Feısa, Lındelef, Gaıtan alańǵa shyǵa almady. Eske sala keteıik, bunyń aldynda «Astana» men «Benfıka» kezdesken bolatyn. Bıyl qyrkúıekte Portýgalııada ótken matchta lıssabondyqtar sapyndaǵy Nıkolas Gaıtan komandasyna jeńis syılaǵan bolatyn. Búgingi matchta argentınalyq shabýylshy oınaı almaıdy, sebebi sońǵy kezdesýde ol qyzyl qaǵaz aldy. «Benfıka» S Tobynda toǵyz upaımen kósh bastap keledi. «Astana» komandasy bolsa, eki ball jınap, tórtinshi orynǵa jaıǵasqan.
