Astana belgili jazýshy Dúkenbaı Dosjanmen baquldasady
Qazaqstannyń redaktorlar klýby astana.kz saıtyna habarlaǵandaı, jazýshymen qoshtasý seısenbi kúni, 17 qyrkúıekte saǵat 10.00-11.00 Astana qalasy, Omarov k-si 47 «b» mekenjaıy boıynsha Q.Qýanyshbaev atyndaǵy Qazaq mýzykalyq drama teatrynda ótedi.
Saǵat 13.00 Astana qalasy Qoshqarbaev kóshesi 95 mekenjaıy boıynsha Haziret Sultan meshitinde as beriledi.
Dúkenbaı Dosjan kópshilik súıip oqıtyn qazirgi zamanǵy qazaq jazýshylarynyń biri. Ol jazýshy, prozashy, Qazaqstan Respýblıkasy Memlekettik syılyǵynyń jáne M.Áýezov atyndaǵy Ulttyq syılyqtyń laýreaty. Onyń esimi Qazaq entsıklopedııasyna jáne AQSh-tyń «Ádebıet pen óner adamdary» jınaǵyna altyn áriptermen jazylǵan. Qazaq jazýshysynyń shyǵarmalary álemniń 19 tiline aýdarylyp, jalpy 3 mıllıonnan astam taralymmen jaryq kórgen. Dúkenbaı Dosjan 1942 jyly Qyzylorda oblysy Jańaqorǵan aýdanynda týǵan. Ol shyǵarmashylyq jolynda 11 roman, 24 povest pen 100 astam áńgime jazǵan.
«Qıyn qadam» kitaby men «Jibek joly» romany jazýshynyń esimin elge keńinen taraty. Bul eńbegi úshin jazýshy ýkraın basylymynyń bedeldi «Úzdik tarıhı roman» syılyǵyna ıe boldy.