Astana bazarynda satýshylar men satyp alýshylar ETsQ aldy

ASTANA. QazAqparat - Búgin Astanadaǵy «Shapaǵat» kommýnaldyq bazarynda «Qoljetimdi Halyqqa qyzmet kórsetý ortalyǵy (HQO)» aktsııasy ótip, satýshylar men satyp alýshylar saýdalarynan qol úzbeı-aq memlekettik qyzmetterdi alý múmkindigine ıe boldy. Bul týraly «Azamattarǵa arnalǵan úkimet» memlekettik korporatsııasynan málim etti, dep habarlaıdy QazAqparat.

Aktsııany «Azamattarǵa arnalǵan úkimet» memlekettik korporatsııasynyń Astana qalasy boıynsha Halyqqa qyzmet kórsetý ortalyǵy departamenti uıymdastyrdy. 

Eske sala keteıik, «Mega Silk Way» jáne «Han Shatyr» saýda, oıyn-saýyq ortalyqtarynda da ótkizilgen «Qoljetimdi HQO» aktsııasy barysynda kelýshiler elektrondy tsıfrlyq qoltańbaǵa (ETsQ) ıe bolyp, memlekettik qyzmetterdi onlaın tártipte alý ádisimen tanysqan bolatyn.

 Sondaı-aq joba aıasynda HQO ókilderi memlekettik mekemelerde, iri saýda ortalyqtarynda, orta mektepterde azamattarǵa ETsQ berip, elektrondyq úkimet portaly arqyly memlekettik qyzmetterdi alýǵa mashyqtandyrdy. Aktsııa bastalǵannan beri bes myńnan astam ETsQ berildi.


Foto: astana-spk.kz