Astana bazarynda qyzdardyń janjaldasýy faktisi boıynsha is materıaldardy sotqa jiberildi
ASTANA. QazAqparat - Astana bazarynda qyzdardyń janjaldasýy faktisi boıynsha is materıaldary sotqa jiberildi, dep habarlady elordalyq ІІD baspasóz qyzmetinen.
«Aǵymdaǵy jyly 15 shildede «Sharyn» bazarynda oryn alǵan tóbeles faktisi boıynsha ustalǵandar Saryarqa aýdanynyń ІІB-yna jetkizildi. 29 jastaǵy azamatsha K-ge qatysty dóreki sózdermen balaǵattaý faktisi boıynsha ákimshilik óndiris qozǵaldy. Budan basqa, oǵan jáne 25 jastaǵy azamatsha I-ge qatysty QR QK 108-babyna sáıkes dene jaraqatyn keltirý faktisi boıynsha sot aldy tergeý júrgizildi», delingen habarlamada.
Medıtsınalyq qorytyndy boıynsha ustalǵandardyń ishimdik ishkeni anyqtaldy. Atalmysh fakti boıynsha materıaldar sheshim qabyldaý úshin sotqa jiberildi. Eske salsaq, Astanada kýáger «Sharyn» bazaryndaǵy qyzdardyń tóbelesin uıaly telefon kamerasyna túsirip alyp, beınejazbany áleýmettik jelige taratyp jibergen.
