Astana bazarlaryndaǵy ónimder sapasy barlyq sanıtarlyq talaptarǵa sáıkes keledi

Bul týraly astana.kz saıtyna QR Densaýlyq saqtaý mınıstrligi Memlekettik sanıtarlyq-indetti qadaǵalaý komıtetiniń Astana qalasy boıynsha departamenti indetti qadaǵalaý bóliminen málim etti.

Maýsymnyń basynda bazarǵa kelip túsetin taýarlardyń sapasy týraly turǵyndardyń habardarlyǵyn arttyrý maqsatynda erte pisken qulpynaıǵa, búldirgen men qııarǵa, oramjapyraqqa, askókke, taǵy da basqa kókónister men tamaq ónimderiniń qaýipsizdigi men sapasyna departament «Astanalyq bazar» («Artem» SO) jabyq bazarynda «Ár úıge qaýipsiz azyq-túlik» aktsııasyn ótkizdi.

Kókónister men jemis-jıdekterdiń quramyndaǵy nıtrattardy, azyq-túlik taǵamdary - sút pen shujyq ónimderine mıkrobıologııalyq túzbesi tekserilip, baldyń tabıǵılyǵy, qymyzdyń qyshqyldyq dámi saraptan ótkizildi.

«Bul kúni barlyǵy jedeltetilgen túrde 71 taǵam, atap aıtqanda, baldyń tabıǵılyǵyn tekserýge 3 synama, kókónis pen jemis-jıdektiń 56 synamasy, azyq-túlik taǵamdarynyń mıkrobıologııalyq túzbesin anyqtaý úshin 12 synama alyndy. Tekserýdiń qorytyndysy barlyq taǵamdardyń talapqa sáıkestigin, tutynýǵa qaýipsiz ekendigin anyqtady»,- dep habarlaıdy vedomstvodan.

Osy syndy aktsııalar alǵash ret ótkizilip otyrǵan joq. 29-30 sáýirde «Shapaǵat» kommýnaldyq bazarynda jáne 2-4 mamyrda «Astanalyq bazarda» azyq-túlik taǵamdaryna zertteý júrgizildi. Osy kúnder aralyǵynda baldyń tabıǵılyǵyna 11 synama júrgizilse, kókónis pen jemis-jıdekterdegi nıtrattyń mólsherin anyqtaıtyn 46 synama, sondaı-aq, 24 synama azyq-túlik taǵamdaryndaǵy mıkrobıologııalyq bakterııalardy anyqtaýǵa arnaldy. Talapqa saı kelmeıtin azyq-túlik taǵamdary tabylǵan joq.

«Jemis-jıdekter men baqsha daqyldarynyń shyǵýy men satylym maýsymdarynda osyndaı aktsııa ótkizý turaqty dástúrge aınalýda», - dep atap kórsetedi vedomstvodan.