Astana bazarlaryndaǵy kemshilikter men zań buzýshylyqtar anyqtalady
ASTANA. QazAqparat - Bıyl mamyr aıynan bastap elordadaǵy 25 bazarǵa monıtorıng júrgiziledi. Sharanyń basty maqsaty - qalalyq bazarlardaǵy saýda oryndarynyń qyzmetindegi kemshilikter men buzýshylyqtardy anyqtaý. Bul týraly astana.kz saıtyna Astana qalasynyń Kásipkerlik jáne ónerkásip basqarmasynan habarlady.
«Monıtorıng júrgizý jáne anyqtalǵan kemshilikter men zań buzýshylyqtardy joıý úshin Qazaqstan Respýblıkasynyń Úkimetiniń «Saýda bazarlarynyń qyzmetin uıymdastyrý erejelerin bekitý týraly» qaýlysyna sáıkes arnaıy jumys toptary quryldy. Onyń quramyna qalalyq Kásipkerlik jáne ónerkásip basqarmasynyń ókilderi endi.
Jumys tobynyń músheleri kún saıyn elordalyq naryqtardy aralap,buzýshylyqtardy tirkeıdi, sondaı-aq, kásipkerlermen túsindirý jumystaryn júrgizedi. Al kásipkerler óz kezeginde, atalǵan buzýshylyqtardy shuǵyl arada joıyp, atqarylǵan jumystar týraly esepterin usynýy kerek. Osy ókimniń oryndalýyn baqylaý Astana qalasy ákiminiń orynbasary Qanat Sultanbekovke júkteldi. Tekserý jumystary aıaqtalǵan soń elordalyq bazarlardyń jaǵdaıyna jalpy taldaý jasalady», - dep jazylǵan habarlamada.
