Astana bazarlarynda kásipkerlerge arnalǵan keńes ótedi
ASTANA. QazAqparat - Elorda bazarlarynda bıznes klımatty jaqsartýǵa, condaı-aq, shaǵyn jáne orta bıznes kásipkerlerine memlekettik qyzmetterdi qoljetimdi etýge baǵyttalǵan «Kásipkerlerge keńes berý» is-sharalar kestesi ázirlengen, dep habarlaıdy Astana qalasy ákimdiginiń resmı saıty.
Kásipkerler salyq zańńamasy, memlekettik qoldaý sharalary, áleýmettik saqtandyrý, zeınetaqy jınaqtaý jáne onlaın memlekettik qyzmetterdi alý suraqtary boıynsha keńes ala alady.
Birinshi is-shara 2018 jyldyń 27 aqpanynda saǵat 10:00-den 13:00-ge deıin «Shapaǵat» kommýnaldyq bazarynda ótedi.
Іs-sharada kelesi memlekettik mekemeler men kásiporyndar qatysady: Astana qalasynyń Kásipkerlik jáne ónerkásip, aýylsharýashylyǵy basqarmalary, Astana qalasynyń tótenshe jaǵdaılar, qoǵamdyq densaýlyq saqtaý, memlekettik kirister departamentteri, Kóshi-qon qyzmeti basqarmasy, Jergilikti polıtsııa qyzmeti, Astana qalasynyń kásipkerler palatasy, «Qazaqstannyń turǵyn úı qurylys jınaq banki» AQ, «DAMÝ» kásipkerlikti damytý qory» AQ, «Biryńǵaı jınaqtaýshy zeınetaqy qory» AQ, «Memlekettik áleýmettik saqtandyrý qory» AQ, «Azamattarǵa arnalǵan úkimet» memlekettik korporatsııasy» KE AQ (HQO) jáne «Astana» ÁKK» UK» AQ.
