Astana bastaǵan jeti qalada aýa sapasy nasharlaıdy

ASTANA. KAZINFORM — Búgin Qazaqstannyń 7 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy «Qazgıdromet» RMK.  

— 2025 jylǵy 25 aqpanda Astana, Óskemen, Semeı, Rıdder, Almaty, Qaraǵandy, Temirtaý qalalarynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osydan buryn elimizdiń bes qalasynda aýa sapasy tómendeıtinin jazǵan edik.