Astana basshylyǵy jańa bosanǵan analardy quttyqtady

ASTANA. QazAqparat - Astana qalasynyń ákimshiligi Elorda kúni bosanǵan qyz-kelinshekterdi quttyqtaý úshin perzenthanalarda boldy, dep habarlaıdy QazAqparat.

«Búgin bútin el Astana kúnin atap ótýde, biraq keıbirimiz úshin ol ásirese erekshe, sebebi, dúnıege kelgen kúnmen tuspa-tus keledi. Bosanǵan analar men elordanyń jańa turǵyndaryna azdaǵan mereke syılaǵymyz keldi. Saryarqa aýdanynyń ákimi Arman Turlybek Astana qalasy Densaýlyq saqtaý basqarmasynyń basshysy Qamaljan Nadyrovpen birge náresteler men olardyń analaryn týǵan kúnderimen ǵana emes, elordanyń 19 jyldyǵymen de quttyqtady», - delingen Saryarqa aýdany ákimdiginiń Feısbýktegi resmı paraqshasynda .

Habarlanǵandaı, Astana qalasynyń ákimi Áset Isekeshevtiń ıgi quttyqtaýlaryn jetkizgen Saryarqa aýdanynyń ákimi, shaqalaqtardyń dál Elorda kúni dúnıege kelýi erekshe qýanysh ekendigin aıtyp, mereke ıelerine estelik syılyqtar tabys etti.