Astana basshylyǵy: Mektepterdegi oqý ýaqytyn ózgertý úshin zańǵa ózgerister engizilýi tıis
ASTANA. QazAqparat - Astana basshylyǵy mektepterdegi oqý ýaqytyn ózgertýdi erteli kesh qolǵa alady. Bul týraly Astana qalasy Bilim basqarmasynyń bastyǵy Elmıra Sýxanberdıevanyń málim etti.
Onyń aıtýynsha, qazirgi ýaqytta ata-analar arasynda saýalnama júrgizilýde, barlyq taraptardyń pikiri eskeriletin bolady. Osylaısha, mektepterdegi oqý ýaqytyn ózgertýden qalalyq basshylyq bas tartpaıtyndyqtaryn anyq bildirdi.
"Oqý ýaqytyn ózgertý úshin zańǵa tıisti ózgertýler engizilýi tıis, tıptik baǵdarlamalarǵa da soǵan sáıkes ózgertýler jasalady. Barlyǵy zań aıasynda iske asyrylady", - dep atap ótti E. Sýxanberdıeva.
"Qalalyq bilim basqarmasynyń málimetinshe, qalada 200 myńnan astam oqýshy men stýdent bar. Onyń ústine 30 myńnan astam balabaqsha tárbıelenýshilerin qosyńyz. Sondyqtan qalalyq mekemeler men kásiporyndarda jumys tártibin ózgertý qajettiligi týyndap otyr. Onyń ishinde bilim berý mekemeleri de bar", - deıdi "Astana LRT" kompanııasynyń basshysy Talǵat Ardan.
Aıta keteıik, bunyń aldynda qala basshylyǵy 14 qyrkúıekten bastap Astanadaǵy 17 mekteptiń oqýshylary úshin birinshi sabaq tańǵy 7:40-ta bastalady dep málim etken bolatyn.
Alaıda keıin Astana qalasynyń prokýratýrasy bul sheshimdi zańsyz dep tapty.
