«Astana» basketbolshylary syrt alańda VTB Biryńǵaı lıgasyndaǵy básekelesinen basym tústi
ASTANA. QazAqparat - VTB Biryńǵaı lıgasynyń matchynda «Astana» syrt alańda «Mınskini» jeńdi, dep habarlaıdy QazAqparat Sports.kz saıtyna silteme jasap.
Kezdesý 76:65 (20:15, 22:19, 18:15, 16:16) esebimen «Astananyń» jeńisimen aıaqtaldy. Kezdesýdiń eń nátıjeli oıynshysy matchta 15 upaı jınaǵan «Astananyń» basketbolshysy Kvame Von boldy.
Bul - «Astana» klýbynyń VTB Biryńǵaı lıgasynyń 2022/23 maýsymyndaǵy úshinshi jeńisi. Qazaqstandyq klýb týrnırlik kestede 11-orynda keledi, biraq «Enıseıge» jaqyndady (tórt jeńisimen 10-shy orynda tur).
«Mınskke» keletin bolsaq, Belarýs quramasy jalǵyz jeńisimen kestede sońǵy, 12-orynda qaldy.
