«Astana» basketbol komandasy Belarýs klýbynan oısyraı jeńildi
NUR-SULTAN. QazAqparat - «Astana» basketbol komandasy VTB Biryńǵaı lıgasynyń matchynda Belarýstiń «Tsmoko-Mınsk» komandasynan jeńilip qaldy, dep habarlaıdy QazAqparat Sports.kz resýrsyna silteme jasap.
Oıyn Qazaqstan astanasynda ótti. Otandyq klýb 74:109 (17:25, 21:32, 24:17, 12:35) esebimen jeńilis tapty.
«Astana» quramynda eń nátıjeli oıyn kórsetken Djeremaııa Hıll boldy. Ol 17 upaı jınady.
Aıta keteıik, bul jeńilis - «Astana» úshin osy maýsymdaǵy eń iri sátsizdik.
Munyń aldynda qazaqstandyq komanda 33 upaımen «Zenıtten» (52:85) jáne TsSKA komandasynan (60:93) utylǵan bolatyn.
Bıylǵy maýsymda 24 match ótkizip úlgergen «Astana» komandasy VTB lıgasynyń týrnır kestesinde sońǵy, 12-orynnan kórinip otyr.
Klýb tek alty oıynda qarsylasynan basym túsken, qalǵan 18 matchta jeńilip qaldy.
