«Astana» basketbol klýbynyń VTB Birtutas lıgasynyń chempıonaty aıasyndaǵy qarsylastary anyqtaldy

Bul týraly «Astana» basketbol klýbynyń baspasóz qyzmetinen habarlady.

24 shilde kúni Rıgada VTB Lıgasynyń keńesi jáne Lıganyń 2011-2012 jylǵy maýsymynyń jerebe tastaý rásimi ótti. «Astana» basketbol» klýbynyń bıyldan bastap Lıga aıasynda oınaıtynyn QazAqparat buǵan deıin habarlaǵan bolatyn.

Lıganyń turaqty maýsymynda 18 klýb oınaıdy, olar eki topta 2 aınalymdyq týrnır ótkizedi, óz alańynda jáne syrtqy alańda oınaıdy. Negizgi kesteniń 16 qatysýshysy anyqtaldy. Olar -«Hımka», TsSKA, ÝNIKS, «Lokomotıv-Kýban», «Spartak», «Nıjnıı Novgorod» (barlyǵy - Reseı komandalary), «Jalgırıs», «Letývos Rıtas» (ekeýi de - Lıtva klýby), «Azovmash», «Býdıvelnık» (Ýkraına), «Asseko Prokom» (Polsha), VEF (Latvııa), «Kalev» (Estonııa), «Mınsk-2006» (Belarýs), «Nımbýrk» (Chehııa) jáne «Astana» (Qazaqstan) komandalary.

Lıga keńesinde VTB Birtutas lıgasyna jańadan qabyldanǵan komandalar - Ýkraınanyń «Býdıvelnık» klýby men reseılik «Nıjnıı Novgorod». Taǵy eki klýb «Krasnye Krylıa», «Enıseı» (Reseı), «Shıaýlıaı» (Lıtva), «Dnepr» (Ýkraına), «Anvıl» (Polsha) jáne «Honka» (Fınlıandııa) klýbtary qatysatyn biliktilik týrnıriniń qorytyndysy boıynsha anyqtalady. Bul týrnır 27 shilde men 2 qazannyń aralyǵynda Lıtvanyń Shaýlıaı qalasynda ótedi. Osy biliktilik týrnıriniń eki úzdik klýby jarystyń negizgi kestesine kiretin bolady.

VTB Biryńǵaı lıgasynyń turaqty maýsymy 2011 jyly 10 qazanda bastalyp, 2012 jyly 16 naýryzda aıaqtalady.

Ótken jerebege sáıkes, «Astana» basketbol klýby Lıga chempıonatynyń 2011-2012 jylǵy maýsymynda «A» tobynda óner kórsetedi. Bul topqa «Hımka», «Jalgırıs», ÝNIKS, «Býdıvelnık»,«Nıjnıı Novgorod», «Kalev», VEF klýbtary kirip otyr.