«Astana» basketbol klýby Reseıdiń «Enıseı» komandasymen oınaıdy
NUR-SULTAN. QazAqparat - «Astana» basketbol klýby óz alańynda VTB Biryńǵaı lıgasy chempıonatyndaǵy sońǵy oıynyn ótkizedi, dep habarlaıdy QazAqparat klýbtyń baspasóz qyzmetine silteme jasap.
Aldaǵy jeksenbi, 21 sáýirde «Astana» Prezıdenttik basketbol klýby óz alańynda Krasnoıarskiniń «Enıseı» basketbol klýbyn qabyldap, VTB Biryńǵaı lıgasynyń jyl saıynǵy chempıonaty aıasyndaǵy kezekti kezdesýin ótkizedi.
«Enıseı» - Reseıdiń erler arasyndaǵy kásipqoı basketbol klýby. 1981 jyly qurylǵan. Jetistikteri: Reseı sýperlıgasynyń B dıvızıony chempıony (2006), Reseı kýbogynyń qola júldegeri (2011).
Bıylǵy maýsymdaǵy túzde ótken oıynda «Astana» «Enıseıge» ese jiberip alǵan bolatyn. Esep - 93:84. Dál qazir «Enıseı» VTB Biryńǵaı lıgasynyń týrnır kestesinde toǵyzynshy oryndy ıemdenip tur. Olar 23 oıynnyń 9-ynda jeńiske jetti. Al elorda komandasy, ıaǵnı «Astana» 24 oıynnyń 14-in jeńispen aıaqtap, altynshy orynda tur.
Oıyn jeksenbi kúni «Saryarqa» respýblıkalyq velotreginde ótedi. Matchtyń Nur-Sultan ýaqytymen 15:00-de bastalady.
Foto: pbcastana.kz
