«Astana» basketbol klýby Nıjnıı Novgorodta sensatsııalyq jeńiske qol jetkizdi

Bul týraly klýbtyń resmı saıty málim etti.

«Astana» BK VTB lıgasyna bıyl ǵana qosylǵan komanda. Klýb quramy da 2011 jyly jasaqtalǵanyn atap óteıik. Degenmen jańa komandanyń jetken jetistikteri aıtarlyqtaı, sońǵy tórt kezdesýde 3 jeńiske qol jtekizildi.

Reseıde ótken match ta «Astanalyqtar» úshin sátti boldy. Alǵashqy aınalymdy bizdiń otandastarymyz 34-48 esep basymdyǵymen aıaqtady. Ekinshi kezeńde de «Astana» basketbolshylary nıjegorodtyqtardy 10-12 upaı aıyrmashylyǵymen alshaq ustap turdy. Oıynnyń úshinshi jartysynda esep 50-62 bolyp, qazaqstandyqtardyń paıdasyna sheshildi.

Matchtyń sońynda astanalyqtardyń oıyny alǵan qarqynnan jańylmady. Ásirese qazaqstandyq klýbtyń sapynda óner kórsetetin Erık Ýılıams óziniń jyldam oıynymen jankúıerlerdi tánti etip, 22 upaı jınady. Kezdesýdegi qorytyndy esep 69-80. bizdiń paıdamyzǵa sheshildi.

«Astana» BK osy jeńisiniń arqasynda óz tobynda 4-orynǵa kóterildi jáne pleı-off synyna shyǵýǵa bir taban jaqyndady. Qazirgi tańda «Astana» klýby Rıganyń «VEF» komandasymen 3-4 oryndardy bólisip tur. Alda syrt alańda reseılik «Krasnye krylıa» oıynshylaryna qarsy kezdesý bolmaq.