«Astana» basketbol klýby ekinshi márte Qazaqstan kýbogyn jeńip aldy
ASTANA. QazAqparat - «Astana» basketbol klýby Qazaqstan-2018 Kýbogynyń ıegeri atandy, dep habarlaıdy «SPORTINFORM» SAA.
Sheshýshi machta elimizdiń eń myqty komandasy Atyraýdyń «Barystaryn» 72:61 esebimen oısyrata jeńdi. Alǵashqy kezeńde qarsylastaryn 17:21 esebimen alǵa shyǵarǵan astanalyq komanda ekinshi, úshinshi kezeńderde 20:10, 23:16 kórsetkishimen atyraýlyqtardy alǵa shyǵarmady. Sońǵy sheshýshi kezeńde «Astana» atyraýlyq komandaǵa 12:14 esebimen jol berdi. Jalpy esep nátıjesi boıynsha Kýbok «Astana» komandasyna buıyrdy.
Eske sala keteıik, «Astana» ótken jyly da «Barystar» komandasymen Kýbok fınalynda kezdesip, jeńiske jetken.
«Astana» oıynshylary Rústem Erǵalı men Aleksandr Jıgýlın Kýboktyń úzdik oıynshylary retinde tanyldy.
Match «Nazarbaev Ýnıversıteti» sport kesheninde ótti.
