«Astana» basketbol klýby bas jattyqtyrýshymen kelisimshartty toqtatty
NUR-SULTAN. QazAqparat – «Astana» basketbol klýby bas jattyqtyrýshy Darko Rýssomen kelisimshart toqtatylǵany týraly jarııalady. QazAqparat bul týraly QR Ulttyq olımpıada komıtetine silteme jasap habarlaıdy.
«Kelisimshart ózara sheshim boıynsha toqtatyldy. Klýb Darko Rýssoǵa atqarǵan eńbegi úshin alǵys bildiredi jáne aldaǵy mansabynda sáttilik tileıdi», - delingen resmı habarlamada.
Aıta keteıik, elordalyq klýb serbııalyq maman Darko Rýssomen kelisimshartqa 2021/2020 maýsymda otyrdy.
«Astana» basketbol klýby 2011 jyldyń naýryz aıynda «Samuryq-Qazyna» ulttyq ál-aýqat qorynyń qoldaýymen qurylǵan. QR Ulttyq lıgasynyń 9 dúrkin chempıony, FIBA Azııa chempıondary kýbogynyń qola júldegeri, Qazaqstan kýbogynyń 9 dúrkin ıegeri, 2022 jyly Qazaqstan kýbogynyń kúmis júldegeri boldy.
