«Astana» basketbol klýby amerıkalyq sportshymen kelisimshartqa otyrdy
NUR-SULTAN. QazAqparat - «Astana» basketbol klýby amerıkalyq sportshymen kelisimshartqa otyrdy, dep habarlaıdy QazAqparat klýbtyń baspasóz qyzmetine silteme jasap.
Amerıkalyq Deondre Parks 1992 jyly 30 qazanda, Flıntte (Mıchıgan, AQSh) dúnıege kelgen.
Ol Aıova jáne Ońtústik Dakota kolledjderinde óner kórsetip, sodan keıin «Nıýkasl Iglz» klýbymen kásibı kelisimshartqa otyrǵan. Deondre Anglııada 2016/17 jyldar maýsymynda oınap, óz komandasymen Brıtan basketbol lıgasy kýbogyn jeńip alady. Sondaı-aq chempıonat dodasynyń pleı-off satysynda fınalǵa deıin jetken.
Budan keıin ol Tbılısıdiń «Kaktýs» komandasyna (Grýzııa) aýysady. Ári sýperlıgada oıyn saıyn upaı enshileý kórsetkishi boıynsha kóbasshy bolady (20.8).
Parks dál osy kórsetkishin Kıpr chempıonatynda da qaıtalap, AEL (Lımasol) komandasynda senim údesinen shyǵady – 18.8 upaı ár matchta.
Sonymen qatar ol Týnıste («ES Rades», el chempıonatynda top jaryp, pleı-offta fınalǵa shyqqan, 2019 jyl), Kanadada («Edmonton Stıngers»), Izraılde («Hapoel Hevel Modıın») jáne Fınlıandııada («Vılpas Vıkıngs» sapynda lıga chempıony bolǵan, 2021 jyl).
Onyń sońǵy óner kórsetken komandasy – Vengrııanyń ZTE klýby.
Photo: soccerfieldsupplies.files.wordpress.com
