«Astana» basketbol klýby 2011/12 maýsymynda
ASTANA. 30 naýryz. QazAqparat /Gúlmıra Álıakparova/ - «Astana» basketbol klýby 2011/12 maýsymynda Reseıdiń "VTB Biryńǵaı Lıga" týrnırinde oınaı bastaıdy. Bul týraly Astana qalasy ákimdiginen habarlady.
28 naýryzda Máskeýde ótken "VTB Biryńǵaı Lıga" keńesiniń otyrysynda onyń quramyna jańa qatysýshylardy qosý sheshimi qabyldandy. Keńes otyrysynda sóz alǵan "VTB Biryńǵaı Lıgasynyń" jańadan saılanǵan prezıdenti, Reseı Federatsııasynyń vıtse-premeri Sergeı Ivanovtyń aıtýynsha, týrnırdiń 2011/12 maýsymynda alǵash ret reseılik «Lokomotıv-Kýban» (Krasnodar), «Spartak» (Sankt Peterbor), chehııalyq «Nımbýrk» jáne Qazaqstannyń «Astanasy» óner kórsetetin boldy.
«Astana» BK-nyń negizgi quramy eldiń myqty komandasy «Astana jolbarystarynyń» oıynshylarynan jasaqtalatyn bolady. Klýbyń jattyqtyrýshysy, «Jolbarystardyń» qazirgi bapkeri Vıtalıı Strebkov bolmaq. Bas bapkerdi izdestirý ústindemiz», - dep anyqtady «Astana» BK-nyń dırektory, KSRO-nyń eńbek sińirgen sport sheberi Valerıı Tıhonenko.
Jerebe salý, Eýrolıgaǵa jerebe ótkennen keıin, jobalaý boıynsha, maýsym aıynyń sońynda ótedi.
Eske salaıyq, osy kúnderi ótip jatqan Ulttyq chempıonatta «Astana jolbarystarynyń» erler komandasy pleı-offqa shyqty. Elordalyq basketbolshylar jetinshi ret Qazaqstannyń chempıony ataǵyn ıelenýdiń sál-aq aldynda tur. Basketbol maýsymy aıaqtalǵannan keıin qurama «Astana» BK atynan oınaıtyn bolady.
