«Astana» basketbol klýbynyń jabylatyny týraly aqparatqa resmı túsinikteme berildi
ASTANA. KAZINFORM – Sport komıteti «Astana» basketbol klýbynyń qyzmetin toqtatý týraly aqparatqa qatysty túsinikteme berdi.
Sport jáne dene shynyqtyrý isteri komıtetiniń tóraǵasy Rýslan Esenalınniń málimetinshe sońǵy jyldary klýbtyń halyqaralyq arenadaǵy nátıjeleri alǵa qoıǵan mindetteri men kútken nátıjelerge sáıkes kelmedi.
— VTB Biryńǵaı lıgasynyń ótken maýsymynyń qorytyndysy boıynsha «Astana» basketbol klýby sońǵy 12-orynǵa turaqtady. Komanda 44 matchtyń tek ekeýinde ǵana jeńiske jetip, jeńilis kórsetkishi 95 paıyzdan asty. Bul — klýbtyń VTB Biryńǵaı lıgasyndaǵy eń nashar nátıje. Sonymen qatar, komanda sońǵy segiz jyl boıy atalǵan týrnırdiń pleı-off kezeńine shyǵa almady, — dedi Rýslan Esenalın.
Іshki arenada da «Astana» basketbol klýby alǵa qoıǵan maqsattaryna qol jetkize almady. Komanda Qazaqstan Kýbogy jolyndaǵy básekede ese jiberip, Ulttyq lıganyń chempıondyq ataǵyn da ıelene almady.
— Ótken jyly sport salasyn qarjylandyrýdyń tıimdiligin arttyrýǵa baǵyttalǵan Qazaqstan Respýblıkasynyń Zańy qabyldandy. Zańnyń negizgi erejeleri ulttyq qurama komandalardy damytýǵa basymdyq berip, sport rezervin qalyptastyrýǵa, sondaı-aq bıýdjet qarajaty esebinen legıonerlerdi qarjylandyrýǵa tyıym salýǵa baǵyttalǵan.
Qazirgi tańda otandyq basketbol sportyn damytý tásilderin qaıta qaraý jumystary júrgizilýde. Negizgi basymdyq jastar komandasyn damytýǵa, sapaly sport rezervin qalyptastyrýǵa jáne balalar men jasóspirimder sportyn qoldaýǵa beriledi, — dedi ol.
Aıta ketelik Qazaqstanda basketbol nege damymaı otyrǵany jóninde jazǵan edik.
