«Astana» basketbol akademııasy jattyǵýdy toqtatty
NUR-SULTAN. QazAqparat – «Astana» basketbol klýby akademııanyń jeke jáne toptyq jattyǵýlary 2020 jyldyń qyrkúıek aıyna deıin toqtatylǵanyn málim etti, dep habarlaıdy QazAqparat.
«Komanda basshylyǵy bul sheshimdi Qazaqstan aýmaǵynda koronavırýstyń taralýyna baılanysty karantındik sharalarǵa, sondaı-aq buqaralyq-sporttyq sharalardy ótkizýge salynǵan tyıymǵa oraı qabyldandy», - delingen QR Ulttyq olımpıada komıtetiniń aqparatynda.
Málimdemede búginde COVID-19 vırýsynyń taralýyn esepke ala otyra, akademııanyń tárbıelenýshileri men jattyǵý shtaby, sondaı-aq olardyń jaqyndarynyń densaýlyǵy áldeqaıda mańyzdy ekeni atap ótildi.
