«Astana Bankiniń» jeke tulǵalarǵa depozıtter ashýǵa lıtsenzııasy toqtatyldy
ASTANA. QazAqparat - «Astana Banki» AQ-nyń jeke tulǵalardyń depozıtterin qabyldaýǵa, jeke tulǵalardyń bank shottaryn ashýǵa lıtsenzııasy toqtatyldy, dep habarlady QR Ulttyq bankiniń baspasóz qyzmetinen.
«QR Ulttyq Banki Basqarmasynyń qaýlysymen 2018 jylǵy 28 mamyrdan bastap qosa alǵanda 2018 jylǵy 29 tamyzǵa deıin «Astana Banki» AQ-nyń (budan ári - Bank) jeke tulǵalardyń depozıtterin qabyldaýǵa, jeke tulǵalardyń bank shottaryn ashýǵa lıtsenzııasy ýaqytsha toqtatylady»,- delingen habarlamada.
Mundaı sheshim «Qazaqstan Respýblıkasyndaǵy bankter jáne bank qyzmeti týraly» QR Zańynyń 48-babynyń 1-tarmaǵy v) tarmaqshasynda kózdelgen negizder boıynsha, tólem jáne aýdarym operatsııalary boıynsha sharttyq mindettemelerdi únemi (qatarynan kúntizbelik on eki aı ishinde úsh jáne odan kóp ret) tıisinshe oryndamaǵany úshin qabyldanǵan.
Lıtsenzııa jańa depozıtterdi tartýǵa jáne jeke tulǵalardyń jańa bank shottaryn ashýǵa qatysty ýaqytsha toqtatylady jáne Banktiń qoldanystaǵy depozıtteri men klıentterine qyzmet kórsetýge qatysy joq.
2018 jylǵy 1 mamyrdaǵy jaǵdaı boıynsha Banktiń jeke tulǵalardan qabyldaǵan depozıtteriniń kólemi 53,0 mlrd teńgeni quraıdy.
