Astana Ballet teatry Dýbaıdaǵy EXPO kórmesinde eki qoıylym kórsetedi

NUR-SULTAN. QazAqparat – Astana Ballet Dýbaıdaǵy EKSPO-2020 búkilálemdik kórmesinde eki qoıylym kórsetedi. Bul týraly teatr dırektory Aleksandr Sovostıanov aıtyp berdi, dep habarlaıdy QazAqparat tilshisi.

Dýbaı opera sahnasynda 27-28 qazanda - «Mahabbat týraly ańyz», al 29-30 qazanda – «Beıbarys sultan» baleti kórsetiledi.

«Biz úshin qazirgi shekteýlerge qaramastan, IX teatr maýsymyn óz ýaqytynda ashý óte mańyzdy boldy. Biz qatty ýaıymdadyq, kórermendermen qaýyshýdy asyǵa kúttik. Ártister sahnany, al kórermen spektaklderdi saǵyndy. Qazir bizdiń úlken josparlarymyz bar. Búkil kórermendi «Astana Ballet» teatryna shaqyrǵym keledi», - dedi A. Sovostıanov Ortalyq kommýnıkatsııalar qyzmetinde ótken baspasóz máslıhatynda.

Aıta keteıik, toǵyzynshy teatr maýsymy 9-10 qyrkúıekte «Beıbarys sultan» baletimen ashyldy.

17-18 qyrkúıek kúnderi «Mahabbat týraly ańyz» baleti kórsetilmek.

«Mahabbat týraly ańyz» ben «Beıbarys sultan» - keremet qoıylymdar, olardy uzaq karantınnen keıingi alǵashqy gastrolge – pandemııaǵa baılanysty keıinge qaldyrylǵan Dýbaıdaǵy EKSPO-2020 kórmesine aparamyz. «Astana Ballet» teatrynyń ujymy Dýbaıdyń úlken, jańa, aldyńǵy qatarly teatrlarynyń birinde osy eki tamasha týyndyny usynady», - dedi Aleksandr Sevostıanov.