«Astana Ballet» Sankt-Peterbýrgtaǵy XXII mýzyka festıvaline qatysady
ASTANA. QazAqparat - 26-27 shildede Marıınskıı teatrynyń tarıhı sahnasynda «Zvezdy belyh nocheı» atty XXII mýzyka festıvalinde «Astana Ballet» horeografııalyq ujymy «ÁLEM» biraktili baletin usynady. Qoıýshy-horeograf - belgili reseı baletmeısteri Nıkıta Dmıtrıevskıı, dep habarlady astanaballet.kz.
Reseı kórermenine usynǵaly otyrǵan «ÁLEM» baletiniń premerasy 27 maýsymda Astana qalasyndaǵy Beıbitshilik pen Kelisim saraıynda úlken tabyspen ótken bolatyn. Nıkıta Dmıtrıevskııdiń horeografııasy ózekti álemdik úderister men qazaq bı mádenıetiniń dástúrli áýeniniń úndestire bildi. Ujym A.Seleznev atyndaǵy Almaty horeografııalyq ýchılışesi túlekterinen turady. Teatr repertýarynda otandyq jáne sheteldik horeograftardyń 50-den astam qoıylymy bar. Aldaǵy ýaqytta Evropa elderiniń astanalaryna gastrolge shyǵý josparlanyp otyr, delingen habarlamada. «Bir jyldan asa tynymsyz eńbegimiz, Qazaqstan men sheteldegi kórermen aldyndaǵy óneremiz búginde ujymnyń birtutas, bir aktili baletti sahnalaýǵa daıyn ekenin kórsetti», - dedi «Astana Ballet»-tiń atqarýshy dırektory Valerıı Albekovıch Kúzembaev.
«Astana Ballet» horeografııalyq ujymy 2012 jyldyń kúz aıynda qurylǵan.
