«Astana balet» teatrynyń Londondaǵy gastroline bılet bir aı buryn satylyp ketti
NUR-SULTAN. QazAqparat - «Astana balet» teatry jetinshi maýsymyn ashty. Qyrkúıektiń 12, 13 jáne 14 kúnderi balet trýppasynyń gastroli álemdegi áıgili sahnalardyń biri – Kovent-Garden Koroldik teatrynda ótpedi, dep habarlaıdy QazAqparat.
Balet ónerin jan-tánimen súıetin londondyq kórermen «Astana balet» teatrynyń úsh kúndik gastroline bıletterdi bir aı buryn satyp aldy.
London turǵyndaryna janry san-alýan baǵdarlama kórsetilmek, onyń ishinde neoklassıkalyq qoıylymdar men zamanaýı jáne ulttyq horeografııa bar.
«Gastrol shymyldyǵy «Uly Dala murasy» baǵdarlamasymen ashylady. Bul baǵdarlamada ulttyq balet úzindilerimen qatar, qazaq halqynyń tarıhy men mádenıetin aıǵaqtap turatyn horeografııalyq kompozıtsııalar toptastyrylǵan.
Sonymen qatar, frantsýz ánshisi Edıt Pıaftyń ǵajaıyp ǵumyry men mazmundy shyǵarmashylyǵynan nár alǵan úsh dýetten turatyn, bir aktili «Love Fear Loss» baleti de kórsetiledi. Neoklassıkalyq týyndylardyń ishinen «A Fuego Lento» («Baıaý jalyn») atty bir aktili baletti de kórermen nazaryna usyný uıǵaryldy. Munda tango men zamanaýı horeografııa bir arnaǵa toǵysyp, argentınalyq kompozıtorlardyń janyńyzdy jadyratar shyǵarmalary áýeleıdi», delingen habarlamada.
Al, gastrol shymyldyǵy Oskar Ýaıldtiń «Salomeıa» atty pesasynyń jelisimen «Astana balet» teatrynyń bas baletmeısteri Mýkaram Avahrı qoıǵan bir aktili baletpen jabylmady.
Bul qoıylym shet elde alǵash kórsetilmek. Іnjil ápsanasynyń ózindik ınterpretatsııasy qazaqstandyq horeografty shabyttandyrǵan bolatyn.
Aıta keterligi, Kovent-Garden Koroldik teatrynyń Lınbýrı ortalyǵynyń sahnasy erekshe tehnıkamen jabdyqtalǵan. Ǵımarat Londonnyń tarıhı ortalyǵynda ornalasqan. Munda Koroldik balet pen Koroldik opera trýppalary óz týyndylaryn London turǵyndary men qonaqtaryna pash etip keledi.
«Astana balet» teatry Ulybrıtanııaǵa alǵash ret gastroldik saparmen barady. Buǵan deıin qazaqstandyq ujym AQSh, Frantsııa, Italııa, Reseı, Qytaı, Belgııa men Japonııanyń áıgili sahnalarynda óner kórsetken edi.
