«Astana balet» teatry týrıstik nysandar qataryna endi
NUR-SULTAN. QazAqparat - «Kazakh Tourism» ulttyq kompanııasy men Astana balet teatry ózara yntymaqtastyqty damytý jóninde kelisimge keldi, dep habarlaıdy QazAqparat.
«Osy kúni týrızm - álemdik ekonomıkanyń qarqyndy damyp jatqan salasy. Týrıster barǵan aımaǵynyń arhıtektýralyq eskertkishterimen, mádenı erekshelikterimen tanysýǵa asyq. Osy turǵyda «Astana Balet» - ekskýrsııa júrgizetin ǵajaıyp ǵımarat. Álemniń kez kelgen jerinen kelgen meıman úshin teatr ǵımaraty mádenı týrızm nysanyna aınalmaq. Teatrǵa kelip, kórermen yqylasyna bólengen shyǵarmashylyq ujymmen tanysý - elimizdiń horeografııa óneriniń tarıhymen de tanysý. Teatrǵa kelý - mádenı-tanymdyq, etnıkalyq jáne oıyn-saýyq týrızmin jandandyra túseri anyq», - delingen «Kazakh Tourism» ulttyq kompanııasynyń habarlamasynda.
Osy maqsatta «Kazakh Tourism» ulttyq kompanııasynyń basqarma tóraǵasy Rashıd Kúzembaev jáne «Astana Ballet» teatrynyń dırektory Aleksandr Sovostıanov ekijaqty yntymaqtastyqty damytý týraly memorandýmǵa qol qoıdy.
«Memorandým elordanyń týrıstik klasterin básekege qabiletti etip, tarıhy, dástúri men mádenıeti baı Qazaqstanǵa sheteldik týrısterdi tartýǵa yqpal etpek. «Astana balet» Qazaqstan astanasynyń týrıstik brendine aınalmaq. Qazaqstandyqtar men shet eldik týrısterdi «Astana balet» teatrynyń tynys-tirshiligimen tanystyrý mádenıet salasynda shet eldik meımandardy qyzyqtyratyn tyń joba bolmaq», - dep habarlaıdy ulttyq kompanııa.
Memorandýmnyń maqsaty - «Astana Balet» teatrynyń premeralary men ekskýrsııalaryn qamtıtyn teatrlyq týrlardy ázirleý jáne nasıhattaý. Bul rette, otandyq týroperatorlardy tartyp, olar úshin teatrmen birigip arnaıy sharttar men erejeler ázirleý josparlanýda.
Qazirdiń ózinde teatrda «Sahna artyndaǵy qupııalar» ekskýrsııalyq týr ótkizilýde. Ekskýrsııa barysynda týrıster teatrmen jáne onyń repertýarymen ǵana emes, álemdik jáne qazaqstandyq balet tarıhymen tanysady.
Aıta ketsek, Astana balet teatry Elbasy Nursultan Nazarbaevtyń bastamasymen qurylǵan. Teatr repertýarynda san-alýan janrdaǵy baletter men kontserttik baǵdarlamalar bar, atap aıtqanda klassıka men neoklassıkadan bastap, contemporary men ulttyq bıge deıin. Sondaı-aq, teatr repertýarynda Qazaqstan, Reseı, AQSh pen Germanııa, Qytaı men Brazılııanyń áıgili baletmeısterleri qoıǵan 20-dan astam spektakl bar.
