«Astana Balet» teatry kórermenge qysqy maýsymdaǵy repertýaryn usyndy

ASTANA.KAZINFORM - Jańa jyl merekesi qarsańynda «Astana Balet» teatry kórermen nazaryna sıqyrǵa toly ertegi qoıylymdar toptamasyn usynady. Bul týraly Mádenıet jáne aqparat mınıstrligi habarlady.

Jańa jyldyq merekeniń sánine aınalǵan «Şelkýnchık» baleti repertýarda erekshe oryn alady. Segiz jyldan beri bul qoıylym teatr sahnasynda anshlagpen ótip keledi. Jyl saıyn kórermenge 10–15 spektakl usynylady. Qoıylymǵa «Astana Balet» teatrynyń ártisterimen qatar Qazaq ulttyq horeografııa akademııasynyń stýdentteri de qatysady. Al jas kórermen úshin 19, 20, 21 jáne 23 jeltoqsan kúnderi balalarǵa arnalǵan balettiń yqshamdalǵan nusqasy sahnalanady.

Baǵdarlamada 7, 9 jáne 10 qańtarda kórsetiletin «Qar hanshaıymy» baleti de bar. Hans Krıstıan Andersenniń ertegi jelisimen qoıylǵan bul qoıylym dostyq, meıirim men mahabbatty bımen jetkizedi.

Qysqy qoıylymdar legin 23 jáne 24 qańtarda sahnalanatyn «Kúlshe qyz» baleti túıindeıdi. Bul týyndy Kúlshe qyzdyń tabandylyǵy men ózine degen adaldyǵyn beıneleıdi.

Barlyq spektakl «Astana Balet» teatry sımfonııalyq orkestriniń súıemeldeýimen ótedi. Orkestrdi bas dırıjer Arman Orazǵalıev pen dırıjer Elmar Bóribaev basqarady.

Aıta keteıik, Ábilmansur Syrmanov IX Beıjiń balet baıqaýynda jeńiske jetti.

«Astana Balet» teatry halyqaralyq festıvalde kúmis júldege ıe boldy.